Movementos. Traslacións.

Un movemento no plano é unha transformación xeométria que conserva a forma e o tamaño de calquera figura. Imos falar de tres tipos de movementos: traslacións, xiros e simetrías. Comezaremos coas traslacións:

TRASLACIÓNS

Como xa comentamos na clase, para facer unha traslación necesitamos un vector. Para saber o movemento dun vector, temos que observar a variación que realiza. Así, o vector de coordenadas
v = (1,3) fai un desprazamento de 1 unidade á dereita e 3 unidades cara arriba.

Para saber a lonxitude que ten o vector, teremos que utilizar o teorema de Pitágoras. Vexamos un exemplo:

As coordenadas deste vector serán: (3,2) e para saber a súa lonxitude, teremos en conta o triángulo que forman as súas coordenadas, e utilizaremos o teorema de Pitágoras. Así:

Lonxitude de AB² = 3² + 2²

Lonxitude de AB² = 9 + 4

Lonxitude de AB² = 13

Logo, Lonxitude de AB = Raíz de 13 = 3,61 cm

Para trasladar unha figura, temos que trasladar cada vértice da figura, segundo o vector que se nos indica.